Um Miana

Álfheiður Eva Óladóttir og Bylgja Bára Bragadóttir stofnuðu fyrirtækið MIA árið 2012 og eru þær með aðsetur í Mosfellsbæ. Árið 2013 vann fyrirtækið frumkvöðlakeppni kvenna á vegum Íslandsbanka, FKA og Opna Háskólans um bestu viðskiptaáætlunina og hlaut veglegan styrk að lokum. Sápurnar hafa náð miklum vinsældum á Íslandi og má finna þær í flestum verslunum og apótekum.

MIA er frumkvöðlafyrirtæki sem sérhæfir sig í þróun og framleiðslu á hreinlætisvörum til persónulegra nota og Miana handsápur er fyrsta vörulína fyrirtækisins.

Vörulínan samanstendur af fjórum tegundum af froðusápum: Miana Vanilla, Miana Rauð epli, Miana Án ilmefna og Miana Eldhús. Miana án ilmefna er ætluð þeim sem vilja og/eða þurfa að nota handsápur án ilm- og aukaefna. Miana Eldhús er handsápa í eldhúsið. Um íslenska framleiðslu er að ræða.

Fyrirtækið hefur lagt ríka áherslu á gæði sápunnar í allri vöruþróun og einnig hefur verið lögð áhersla á glæsileika og sérstöðu umbúða.

Sápurnar byggja á gömlum grunni heilsusápu sem hefur m.a. annars verið notuð á heilbrigðisstofnunum þar sem notkun er mikil og hreinlæti þarf að vera gott. Sápan er mild og inniheldur húðverndandi og húðmýkjandi efni sem næra húðina og styrkja náttúrulegar varnir hennar. Sápan er sótthreinsandi (antibacterial) og er án parabena og triclosan.

Endursöluaðilar á Íslandi eru yfir 100 talsins og samanstanda af öllum helstu matvörukeðjum og apótekum landsins.